Encargos abertos: quedan prazas este trimestre

Figuras e máscaras

Cada peza, unha a unha. Sen moldes, sen series, sen dúas iguais.

— O oficio —

No obradoiro de Desquiciados non hai moldes nin cadeas de montaxe. O papel reciclado convértese en papel maché, a forma modélase a man e a cor decídese peza a peza. Por iso cada figura e cada máscara é única e, cando unha atopa dono, non volve facerse igual.

— O Gabinete Maldito —

Figuras de papel maché

Os rastros de Villaoscura con corpo e xesto propio, modelados a man, coa textura e a expresión decididas unha a unha. Aquí é onde o bestiario deixa de ser unha historia contada e se planta nun andel.

Meigas do bosque, doutores da peste e mortos que non rematan de marchar comparten obradoiro cos monstros do cine de terror que chegaron de fóra.

Encarga a túa figura
— Rostros Roubados —

Máscaras de papel maché

Cada máscara nace de cero, sen molde que a repita. Non agochan unha cara: amosan a que había debaixo. Son as pezas máis lentas de facer e as que máis se parecen a un testemuño literal.

Algúns detalles, como ollos e cicatrices, trabállanse con resina e pigmento ata conseguir a translucidez exacta de algo que supura desde dentro.

Encarga a túa máscara
— O proceso —

Como nace unha peza

I

Papel que volve nacer

Todo comeza con papel 100% reciclado, que volve á vida convertido en papel maché.

II

Modelado a man

Cada forma, cada xesto e cada textura érguense capa a capa.

III

Pintado ata que mira

Dámoslle cor a man, sen présa, ata que nos devolve a mirada.

— Portadores de Escuridade —

Bolsas de algodón

O que non cabe nun andel sae á rúa. Bolsas de algodón con ilustracións propias: as criaturas de Villaoscura, estampadas sobre tea.

Aquí non hai peza única que valla: unha bolsa é para usala, cargala e gastala. Son o único que repetimos e, por iso, o único que podes sacar da casa sen medo a rompelo.

Pregunta por unha bolsa
— Encargos personalizados —

Buscas unha peza que aínda non existe?

Creamos máscaras e figuras por encarga, a partir da túa idea.

Encargar unha peza